Notifications

गायक रोशनको गीतमा रंग पत्रकार विशालको निर्देशन ! भिडियो हेर्नुहोस् !

Published date : 2018-04-06 Your IP - 54.224.118.247

चैत्र २३, काठमाडौ । पछिल्लो समय सुगम गायनमा चर्चित बन्दै गइरहेका गायक रोशन राईको स्वर, चर्चित गीतकार भुपाल चाम्लिङको शब्द तथा संगीतकार विक्रम राईको संगीतमा ‘आज के भो मलाई’ बोलको म्युजिक भिडियो सार्वजनिक भएको छ ।

सार्वजनिक गीतको बारेमा बोल्दै गायक रोशनले गीत अनुुसार भिडियोपनि राम्रो बनेकाले दर्शकले रुचाउनेमा आसावादी रहेको बताए ।

यस गीतको म्युजिक भिडियोको निर्देशन तथा सिनेमाटोग्राफी रंग पत्रकार विशाल राईले गरेका छन् । सार्वजनिक म्युजिक भिडियोमा एक छुटेको जोडी भेट्दा पुराना दिनहरुलाई यादमा उतारिएको निर्देशक विशाल राईले बताए । उनले भने ‘गीत राम्रो छ, संगै भिडियोपनि राम्रो बनाउने प्रयास गरेको छु ।’

म्युजिक भिडियोमा पछिल्लो समय ब्यास्त बन्दै गइरहेकी मोडल रोहनी लामा र समिर राई फिचरिङ छन् । भिडियोमा मोडल रोहनी र समिरको रोमान्स सहितको क्यामेस्ट्री मिलेको छ । म्युजिक भिडियो गदावरी आसपासमा सुटिङ गरिएको हो ।

विशाल चौतारी मिडिया प्रा.लि.बाट सार्वजनिक भएको भिडियोको सम्पादन टेकेन्द्र शाहले गरेका छन् । मेकअप तायाहाङ्मा राईको रहेको छ, भने यस गीतलाई फनिन्द्र राईले एरेञ्ज गरेका हुन् ।

Contact

  1. Websoft IT Nepal Pvt. Ltd.
  2. Biratnagar Morang Nepal
  3. Mobile: 9842278940
  4. websoftitnepal@gmail.com
  5. www.websoftitnepal.com
  6. E-sewa: 9842278940
  7. Regd No: 160857/073/074
  8. VAT No.: 604375333

Radio